انهزام
يغور الحب لو هيذل
تموت الفرحه لو هتقل بالواحد
بيرمي مشاعره للجاحد
عشان يظهرله انه برئ
وهو يا عيني اصله غريق
تبص عليه تلاقي حريق
بيخسر كل يوم حلمه و أمله ب إن بكره الخير
بيتشعلق بكل غريب يظنه في يوم هيبقى قريب
ويتفاجئ بكف جرئ
بيرميه تاني وسط النار
بيسمع ضحك احبابه وقولهم عادي يلا اهو غار
بإيده قرار
يا يغرق تاني ويسيبهم
وقلبه الباقي ده يبيعهم
يا يفضل هو ف مكانه.
بيخلق صوره ف خياله
يبين فيها أحلامه و أمله ب إن بكره الخير..
هتيجي سعادته ويا الغير
بيحلف انه مش هيسيب
وعمره مامره يوم هيغيب
بيتمني ببيت وحنان
وقلبه يعيش ف يوم ب امان
سعتها وبس ممكن انام
و انيم جوا مني الاام
فضلت حياتي بكتمها
ولو حبت ف يوم تخرج حياتي بتيجي تقتلها
وتسلبها حقوق كان لازم انه تدوم
بتفضل نفسي تتحايل علي قلبه ب انه يقوم
وهو فارقله بس الجرح
ده ناسي حتي كلمة فرح
وفاكر كل تعنيفه
وتجريحه كسرة خاطره وانينه
كتمة روحه لحنينه
رضاه بالحب و قليله
مكنش ف نفسه حب كبير
ولا عشره ف يوم هتدوم
مجاش ف خياله غير ضحكه وكلمة يلا بكره تهون
لكنه اتجازي علي فرحه و حسن الظن ف الدنيا
وقتله السوء بسيف الغدر
ورفضت تاني الدنيا وجوده تاني وسط الكدر
