بحبك من السما للأرض
وم الدنيا دي طولها وعرض
وكل دقيقة من عمري. !!
هحبك فيها سُنة وفرض
يا قدري وفرحي وسنيني
انا بحبك
وقد عيوني وجفوني
وعقلي وحيرتي وجنوني
طب اسأل حتى رمش العين
تقولك أنت مكنوني
وانا بحبك
روح افتح حتى باب قلبي
وخليه يحظى بهلالك
تلاقي خُطاه ومرسومُه
باسمك إنت وجمالك
بيحلف… إنه بيحبك
هقولها كتير واعيد فيها
واروح عندك أغنيها
وعمري يا قلبي ما اخفيها
ياروح روحي دابت فيها
وحلفت والله بتحبك
غُنايا الدنيا هاتغنيه
وتغزل حب من لياليه
تدون رسمِته ف صفحات
وتبعت للنسيم يطويه ف قلب كبير يكون وردي
بخطي وفرح من عندي
وما ف الكون دا فيه قدي
يقولك أنه بيحبك
وسجل إسمنا يا تاريخ
ف غنوة بصوتي وحروفي
وكل الكون
وحتى الريح
يحطوا الحنة ف كفوفي
وزفوا الدنيا دي ليا
وخلوني اقولها وأقول..
بكل ما فيا يا حبيبي
انا بحبك
